You are here : Arts

THE

KALAIKESARI

MAGAZINE

FOR

November 2015.

IS HERE!

Click here

to

View

or

LATEST POSTS




மலேசிய மண்ணில் தமிழ்மொழிக் காப்பகம்!

2019-05-15


உலக செம்மொழிகளில் ஒன்றான எமது  தாய்மொழித் தமிழின்  பெருமைகளை எதிர்கால சந்ததிக்கும் இதன் சுவையை உலகுக்கும் உணர்த்துவதுடன் தமிழுக்கு எதிரான சவால்களை எதிர் கொள்ளும் வகையில் தமிழ்மொழிக்கான காப்பகத்தை மலேசிய அரசாங்கம் அமைத்துள்ளது.

மலேசிய வரலாற்றில் திருப்புமுணையாக  அமையும் தமிழ்மொழிக்கான காப்பகம் அறிமுகம் விழா   3.5.2019 அன்று சிறப்பாக நடைப்பெற்றுள்ளது. 


தூயத்தமிழ் சொற்களையும், அதன் பயன்பாடையும் ஆழப்படுத்துவதோடு,  தமிழிலிருந்து மற்ற மொழிக்கு பெயர்படுத்தலுக்குமான விடயங்களில் மும்முரம் செலுத்துவதும்,  மொழியை சீர்படுத்தி அதன் சரியான சொல்லாக்கத்தை நிறுவுவதன் வழி  அந்த மொழி சிதையாமல் காக்கவும் செயலாற்றுதல்    இது போன்ற செயல்களை முன்னெடுத்துச் செல்வதற்காகவே மலேசிய தமிழ்மொழி காப்பகம்  நிறுவப்பட்டுள்ளது. 


இதில் துணை கல்வியமைச்சர் தீயோ நீ சிங், முன்னாள் காவல் துறை கமிசனர் தெய்வீகன் ஆறுமுகம், தமிழ் அறவாரியத்தின் தலைவர் திரவியம் மருதை, கல்வி அமைச்சின் முனைவர் குமரவேலு, சீனமொழி காப்பகத்தின் தலைவர் கோ சாங் சியோங்  மற்றும் சபாய் சட்டமன்ற உறுப்பினர் காமாட்சி, கிராமபுற மேம்பாட்டுத்துறையின் துணையமைச்சர் சிவராசா ராசையா ஆகியோருடன் பலரும் கலந்து கொண்டனர்.


இந்த காப்பகத்தின் குறிக்கோள்கல்  பற்றி இதன் அமைப்பாளர்களில் ஒருவரான முனைவர் செல்வஜோதி கூறுகையில்


“ அறிவியல் தொழிழ்நுற்ப வளர்ச்சிக்கு ஏற்ற வகையிலும், அனத்துலக அளவில் மேம்பட்டு வரும் கல்வி நிலையொயும் கருத்தில் கொண்டு, அனைத்து தரப்பினர் பயன்பாட்டுக்கு உகந்த தகுந்த கலைச்சொற்களை உருவாக்குதல்.”

“மலாய் மற்றும் ஆங்கில மொழியில் உள்ள தரமான படைப்புகளை தமிழ் மொழியிலும், தமிழ்மொழியில் உள்ள தரமான படைப்புகளை  மலாய் மற்றும் ஆங்கில மொழியிகளுக்கு மொழியாக்கம் செய்வது.”

“தமிழ் மொழியை வளப்படுத்த தகுந்த புத்தகங்களை வெளியீடு செய்து அதன் வழி மேல்கல்வி கூடங்களிலும் பள்ளிகளிளும் உள்ள ஆசிரியர்களும் மாணவர்களுக்கு வழிகாட்டியாக இருத்தல்.”

“நடைமுறையில் தமிழ்மொழியின் பயன்பாடு தரமாகவும் இலக்கண விதிகளுக்கு ஏற்பவும்   அமைவதை மேலும் வலுப்படுத்திதல்.”

இந்த மலேசிய தமிழ்மொழி காப்பகம் கல்வி அமைச்சின் கீழ் இயங்கும் வகையில் அமைக்கப்பட்டுள்ளது வரவேற்க தக்கது என்பதுடன், அரசாங்கத்தின் அங்கீகாரமும் அதன் ஈடுபாடும் இந்த காப்பகத்தின் செயலாக்கத்தை விரிவாக்கம் செய்யவும், மேம்பாடு செய்யவும் பெருதும் உதவும் என்கிறார் தமிழ் அறவாரியத்தின் துணைத்தலைவர் மருத்துவர் செல்வம். 


இந்த நிகழ்வில் சீன மொழி மற்றும் தமிழ்மொழி காப்பகங்களுக்கு இடையிலான உறவை வலுப்படுத்த ஒரு புரிந்துணர்வு ஒப்பந்தத்தை, தீயோ நீ சிங் முன்னிலையில், தெய்வீகனும் கோ சாங் சியோங்கும் கையெழுத்திட்டனர்.


மலேசியாவில் மலாய்க்காரர்களுக்கு சுதந்திரத்துக்கு முன்பே மலாய்மொழி காப்பகம் (Bahasa Dewan dan Pustaka)  நிறுவப்பட்டதுடன்  சீனர்களுக்கும் அவர்களின் மொழிக்கான  காப்பகம்  15 ஆண்டுகளுக்கு முன்பு அமைக்கப்பட்டமை குறிப்பிடத்தக்கது. 

நன்றி

malaysiaindru.my