You are here : viharas

THE

KALAIKESARI

MAGAZINE

FOR

November 2015.

IS HERE!

Click here

to

View

or

LATEST POSTS




புத்தரின் பெருமையை உலகுக்கு உணர்த்தும் போரோபுதூர் கோயில்!

March 12 .2018


பௌத்தமும், இந்து மதமும் தழைத்தோங்கிய புனிதத் தலமாக ஜோக்ஜகார்த்தா விளங்குகிறது.

அதற்கான வரலாற்றுச் சான்றாகப் புகழ்மிக்க ‘போரோபுதூர்’ புத்த கோயிலும், பிரம்பானன் சிவன் கோயிலும் விளங்குகின்றன

மகாயான பௌத்த நினைவுச் சின்னம். இது ஜோக்ஜகார்த்தாவின் வடமேற்குப் பகுதியில் அமைந்திருக்கிறது.

சுமார் இருபத்து ஏழாயிரம் சதுர அடி பரப்பளவும், நூற்றுப் பதினைந்து அடி உயரமும் கொண்ட போரோபுதூர், இந்தோனேசியாவின் மிகப் பெரிய கோயில் என்ற சிறப்புக்குரியது.

எரிமலைக் கற்களைக் கொண்டு இக்கோயிலை முழுவதுமாகக் கட்டி முடிக்க எழுபத்து ஐந்து ஆண்டுகள் தேவைப்பட்டிருக்கின்றன.

இளம் பச்சை நிற நெற்கதிர்களுக்கும், உயர்ந்த பனைமரங்களுக்கும் இடையே அமைதியான சூழலில் அமைந்திருக்கும் இக்கோயில், 1200 ஆண்டுகள் பழமை வாய்ந்தது.

பதினான்காம் நூற்றாண்டு தொட்டு, எரிமலை வெடிப்புகளாலும், நிலநடுக்கத்தாலும், பயங்கரவாதத் தாக்குதலாலும் தொடர் பாதிப்புகளைச் சந்தித்திருக்கிறது போரோபுதூர்.

இப்படியான இயற்கை மற்றும் மனிதப் பேரிடர்களால் சேதமடைந்த போரோபுதூர், யுனெஸ்கோ மீட்புக் குழுவினரால் புனரமைக்கப்பட்டு இன்று கம்பீர மிடுக்குடன் காட்சியளிக்கிறது.

சைலேந்திர ராஜ்ஜியத்தில், ஜாவனீய-பவுத்தக் கட்டிடக் கலை அம்சங்களுடன் பிரமிட் வடிவத்தில் கட்டப்பட்டுள்ளது போரோபுதூர் கோயில்.

ஒன்றின் மேல் ஒன்றாக ஆறு சதுர வடிவிலான தளங்களும், அவற்றின் மேல் மூன்று வட்ட வடிவ மேடைகளும், நடுவில் ஒரு முக்கியக் குவிமாடமுமாகக் காட்சியளிக்கிறது இக்கோயில்.

ஒவ்வொரு தளத்திலும் எழுபத்து இரண்டு விகாரங்கள் உள்ளன. இவ்விகாரங்கள் ஒவ்வொன்றிலும் அமைந்துள்ள சிறு துவாரங்கள் வழியாகப் பார்த்தால் ஓர் அழகிய புத்த சிலை தெரியும். ஏழு தளங்களையும் சேர்த்து, ஐநூற்று நான்கு புத்த சிலைகள்!

பௌத்த அண்டவியலுக்கு ஏற்ப இந்த ஏழு தளங்களும், காம தாது, ரூப தாது, அரூப தாது என்று மேலும் மூன்று பிரிவுகளாக வகைப்படுத்தப்படுகின்றன.

மனிதச் சிந்தனைகளையும், மனநிலைகளையும் வகுத்தால், இம்மூன்று தளங்களாகப் பிரிக்க முடியும் என்பதே இந்தக் கட்டமைப்பின் அடிப்படைத் தத்துவம்.